టమోటా కూర:
కావలసిన వస్తువులు:
టమోటాలు - 1/2 కిలో
ఉల్లిపాయలు - 4
పచ్చిమిర్చి - 4
నూనె - 8 స్పూన్లు
ఆవాలు - 1/2 స్పూను
ఉప్పు, కారం - తగినంత
ఎండు మిర్చి - 2
శనగపప్పు - 1 స్పూను
మినపప్పు - 1 స్పూను
కొత్తిమీర - 1 కట్ట
కరివేపాకు - 2 రెబ్బలు
వెల్లుల్లిపాయ - 1
జీలకర్ర - 1 స్పూను
తయారు చేసే విధానం:
టమోటాలు మరీ పండినవి కాకుండా దోరగా ఉన్నవి ఏరుకొని ముక్కలు కోసి పెట్టుకోవాలి. ఉల్లిపాయలు సన్నగా తరిగి పెట్టుకోవాలి. వెల్లుల్లిపాయలను ఒలిచి సన్నగా తరిగి ఉల్లిపాయ ముక్కల్లో కలిపి ఉంచుకోవాలి. పొయ్యిమీద గిన్నె పెట్టి నూనెపోసి తాలింపు పెట్టి తరువాత ఉల్లిపాయ, వెల్లుల్లి ముక్కలు వేసి వేగిన తరువాత ఉప్పు, పసుపు, కారం, టమోటా ముక్కలు కూడా వేసి సన్నని సెగ మీద ఉంచాలి. బాగా మగ్గిన తరువాత కొత్తిమీర సన్నగా తరిగివేసి దించాలి.
